പഞ്ചാബ് നാഷനല്‍ ബാങ്കില്‍ കോടികളുടെ തട്ടിപ്പ് നടത്തിയ വജ്രവ്യവസായി നീരവ് മോദിക്കെതിരെയുള്ള കുരുക്ക് മുറുകുന്നു. നീരവിനെതിരെ ശക്തമായ അന്വേഷണത്തിലേക്ക് കടന്നിരിക്കുകയാണ് ഏജന്‍സികള്‍. കഴിഞ്ഞ വർഷം നോട്ട് അസാധുവാക്കിയപ്പോള്‍ നീരവിന്‍റെ സ്ഥാപനങ്ങള്‍ വഴി കള്ളപ്പണം വെളുപ്പിച്ചതായി വിവരം ലഭിച്ചിരുന്നു. ഇതിന്റെ സാഹചര്യത്തിലാണ് അന്വേഷണം ശക്തമാക്കുന്നത്.
ഇതിനിടെ നീരവ് മോദിയും കുടുംബവും ഇപ്പോള്‍ ന്യൂയോർക്കിലുണ്ടെന്ന് എൻഡിടിവി റിപ്പോർട്ടു ചെയ്തു. മാൻഹട്ടനിലെ അപാർട്മെന്റിലാണിവരെന്നാണു റിപ്പോർട്ട്. അതേസമയം, നീരവ് മോദിക്കെതിരെ നടി പ്രിയങ്ക ചോപ്രയും നടൻ സിദ്ദാർത്ഥ് മൽഹോത്രയും രംഗത്തെത്തിയിരുന്നു.
