തങ്ങളുടെ എം എല്‍ എമാരെ സംരക്ഷിക്കാനാവുമോ എന്ന കാര്യത്തില്‍ കോണ്‍ഗ്രസിനും ആശങ്കയുണ്ട്. അവരെ റിസോര്‍ട്ടിലേക്ക് മാറ്റും മുമ്പ് ഗവര്‍ണര്‍ക്ക് മുമ്പില്‍ ഹാജരാക്കാനായിരുന്നു ശ്രമം. എന്നാല്‍ അനുമതി ലഭിക്കാതായതോടെ ജെ ഡി എസ് - കോണ്ഗ്രസ് പ്രവര്‍ത്തകരും എം എല്‍ എമാരും രാജ്ഭവനുമുന്നില്‍ വലിയ പ്രതിഷേധമാണ് നടത്തിയത്.
എം എല്‍ എമാരെ രാമനഗരയിലെ ബിഡദയിലുള്ള റിസോര്‍ട്ടിലേക്ക് മാറ്റുകയാണ് കോണ്ഗ്രസ് എന്നാണ് റിപ്പോര്‍ട്ടുകള്‍. നേരത്തെ ബംഗളൂരുവിലെ ഈഗിള്‍ടണ്‍ റിസോര്‍ട്ടില്‍ കോണ്ഗ്രസ് 120 മുറികള്‍ ബുക്ക് ചെയ്തതായാണ് റിപ്പോര്‍ട്ട് വന്നത്. അമിത് ഷായുടെ തന്ത്രങ്ങള്‍ വ്യക്തമായി അറിയാവുന്ന ഡി കെ ശിവകുമാറിനെയാണ് ഈ നീക്കത്തിനായി കോണ്ഗ്രസ് മുന്നില്‍ നിര്‍ത്തിയിരിക്കുന്നത്. കര്‍ണാടകത്തില്‍ കോണ്‍ഗ്രസിന്റെ പ്രചാരണ ചുമതലയുള്ള ശിവകുമാറിന് ബിജെപിയുടെ നീക്കങ്ങള്‍ വേഗം തിരിച്ചറിയാന്‍ കഴിയുമെന്നാണ് വിലയിരുത്തല്‍.
