കുസാറ്റ് ദുരന്തത്തില്‍ പത്തുപേര്‍ ഗുരുതരാവസ്ഥയില്‍ തുടരുന്നു. ഇതിനിടെ നവകേരള സദസില്‍ നിന്നും മന്ത്രിമാര്‍ കുസാറ്റിലേക്ക് തിരിച്ചു. ഗാനമേളയ്ക്കിടെ മഴപെയ്തപ്പോള്‍ തിക്കിലും തിരക്കിലും പെട്ട് നാലുപേര്‍ മരിക്കുകയായിരുന്നു. 50തോളം പേര്‍ക്ക് പരിക്കേറ്റു. ടെക് ഫെസ്റ്റിന്റെ ഭാഗമായി നടന്ന ഗാനമേളക്കിടെയാണ് അപകടം ഉണ്ടായത്. രണ്ട് ആണ്‍കുട്ടികളും രണ്ട് പെണ്‍കുട്ടികളുമാണ് മരിച്ചത്. മരണപ്പെട്ടവരെ തിരിച്ചറിഞ്ഞിട്ടില്ല. രണ്ടായിരത്തിലധികം കുട്ടികള്‍ പഠിക്കുന്ന സ്ഥാപനമാണ് കുസാറ്റിലെ എഞ്ചിനിയറിങ് കോളേജ്.
