ശസ്ത്രക്രീയയ്ക്കിടെയുണ്ടായ പിഴവ്; നടി ആരതി അഗര്‍വാള്‍ മരിച്ചു
തെന്നിന്ത്യന്‍ നടി ആരതി അഗര്‍വാള്‍ (31) മരിച്ചു. അറ്റ്ലാന്റയില്‍ കൊഴുപ്പ് നീക്കം ചെയ്യല്‍ ശസ്ത്രക്രീയയ്ക്കിടെയുണ്ടായ പിഴവാണ് മരണ കാരണം. ആസ്‌മ രോഗിയായിരുന്ന ആരതിക്ക്‌ ശസ്‌ത്രക്രിയയ്‌ക്ക് ശേഷം ശ്വാസതടസം ഉണ്ടാകുകയും ഇതേത്തുടര്‍ന്നുണ്ടായ ഹൃദയസ്‌തംഭനത്തില്‍ മരണം സംഭവിക്കുകയുമായിരുന്നുവെന്നുമാണ് റിപ്പോര്‍ട്ടുകള്‍.
1984 മാര്‍ച്ച്‌ 5 ന് അമേരിക്കയിലെ ന്യൂജേഴ്സിയിലാണ് ആരതി ജനിച്ചത്. വെങ്കിടേശിന്റെ നുവ്വ്‌ നാക്കു നച്ചാവ് എന്ന ചിത്രത്തിലൂടെയായിരുന്നു ആരതിയുടെ തലുങ്ക് സിനിമയിലെ അരങ്ങേറ്റം.തെലുങ്കിലെ പ്രമുഖ നടന്മാരായ ചിരഞ്ജീവി, പ്രഭാസ്, ജൂനിയര്‍ എന്‍ ടി ആര്‍, നാഗാര്‍ജുന, മഹേഷ്‌ ബാബു തുടങ്ങിയവര്‍ക്കൊപ്പം ആരതി അഭിനയിച്ചിട്ടുണ്ട്. രണം-2 ആണ് ആരതി ഒടുവില്‍ അഭിനയിച്ച ചിത്രം. ആരതിയുടെ വിയോഗം തെലുങ്ക്‌ സിനിമാ ലോകത്തെ ഞെട്ടിച്ചിരിക്കുകയാണ്‌.
