നോട്ട് പിന്‍വലിച്ചത് രാജ്യം നേരിടുന്ന ദേശീയദുരന്തമാണെന്ന് മുതിര്‍ന്ന കോണ്‍ഗ്രസ് നേതാവ് എ കെ ആന്റണി. ജന്തര്‍മന്തറില്‍ യു ഡി എഫ് ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മാപ്പ് അര്‍ഹിക്കാത്ത കുറ്റമാണ് പ്രധാനമന്ത്രിയും ധനമന്ത്രിയും ചെയ്തത്. സര്‍ക്കാര്‍ തെറ്റു തിരുത്തുന്നതു വരെ സമരവുമായി മുന്നോട്ട് പോകുമെന്നും അദ്ദേഹം പറഞ്ഞു.
വലിയൊരു മണ്ടത്തരമാണ് സര്‍ക്കാര്‍ ചെയ്തത്. പിന്നീട് അതില്‍ കിടന്ന് ഉരുളുകയാണെന്ന് മുസ്ലിം ലീഗ് നേതാവ് പി കെ കുഞ്ഞാലിക്കുട്ടി പറഞ്ഞു. ബാങ്കുകളില്‍ സംഘര്‍ഷം നടക്കുകയാണ്. എ ടി എമ്മുകളില്‍ പണമില്ല. അന്യസംസ്ഥാന തൊഴിലാളികള്‍ പോലും നോട്ടുക്ഷാമത്തെ തുടര്‍ന്ന് സംസ്ഥാനം വിട്ടു പോകുകയാണെന്നും പ്രതിപക്ഷനേതാവ് രമേശ് ചെന്നിത്തല പറഞ്ഞു.
