പാന്‍ കാര്‍ഡും ആധാറും ബന്ധിപ്പിക്കാനുള്ള സമയപരിധി ഇന്നലെ അവസാനിച്ചിരിക്കുകയാണ്. ഇതുവരെ സമയപരിധി നീട്ടിനല്‍കിയിട്ടില്ല. അതിനിടെ ആയിരം രൂപ പിഴയടച്ചിട്ടും ആധാര്‍-പാന്‍ കാര്‍ഡ് ലിങ്കിങ് പൂര്‍ത്തിയാകാത്ത ഒരുപാട് കേസുകള്‍ റിപ്പോര്‍ട്ട് ചെയ്തിട്ടുണ്ട്. അത്തരക്കാര്‍ ടെന്‍ഷനടിക്കേണ്ട എന്നാണ് ഇപ്പോള്‍ പുറത്തുവരുന്ന വാര്‍ത്തകള്‍. പിഴയടച്ചിട്ടും ലിങ്കിങ് പൂര്‍ത്തിയാകാത്ത കേസുകള്‍ പ്രത്യേകം പരിഗണിക്കുമെന്ന് ആദായനികുതി വകുപ്പ് അറിയിച്ചു.
