എന്നാല്‍ കടുവകളെല്ലാം മൃഗശാലയില്‍ തന്നെയുണ്ടെന്നാണ്‌ അധികൃതര്‍ പറയുന്നത്. മതില്‍ തകര്‍ന്നു വീണതായി കണ്ടെത്തിയ സമയത്ത്‌ നാലു കടുവകള്‍ കൂട്ടിലും ഒരെണ്ണം കൂടിന്‌ സമീപത്തെ വളപ്പിലും ഉണ്ടായിരുന്നതായി കാഴ്‌ച ബംഗ്ലാവ്‌ അധികൃതര്‍ പറഞ്ഞു. തകര്‍ന്നു വീണ മതിലിന്റെ ഭാഗത്ത്‌ ചങ്ങല കൊണ്ട്‌ വേലി തീര്‍ത്തിട്ടുണ്ടെന്നും ഇവര്‍ പറയുന്നു.
അതേസമയം ഒരു കടുവ രക്ഷപെട്ടിട്ടുള്ളതായി ഇന്നലെ വൈകിട്ട്‌ ഒരു മാധ്യമം റിപ്പോര്‍ട്ട്‌ ചെയ്‌തിരുന്നു.രണ്ടു കടുവകളെ കണ്ടെത്താനായില്ലെന്നാണ്‌ വിവരമെന്ന്‌ പൊലീസും പറയുന്നു. കടുവകള്‍ക്ക്‌ വേണ്ടി കാഴ്‌ചബംഗ്‌ളാവുമായി ബന്ധപ്പെട്ട്‌ പ്രവര്‍ത്തിക്കുന്ന ഫോറസ്‌റ്റ് ഓഫീസര്‍മാര്‍ തെരച്ചില്‍ ആരംഭിച്ചിട്ടുണ്ടെന്നും ഇവര്‍ വ്യക്‌തമാക്കി.
