രാഷ്ട്രീയ സ്വയംസേവക സംഘം(ആര്‍എസ്എസ്) വേഷവിധാനത്തില്‍ മാറ്റങ്ങള്‍ വരുത്താന്‍ ഒരുങ്ങുന്നു. കാക്കി നിറത്തിലുള്ള നിക്കറിന്റെ സ്ഥാനത്ത് പാന്റ്‌സ് കൊണ്ടുവരാനാണ് ആര്‍ എസ് എസ് ഉദ്ദേശിക്കുന്നത്. രാജസ്ഥാനിലെ നഗോരില്‍ നടക്കുന്ന അഖില ഭാരതീയ പ്രതിനിധി സഭ ഇക്കാര്യത്തില്‍ അന്തിമ തീരുമാനം കൈക്കൊള്ളുമെന്ന് ആര്‍ എസ് എസിനോട് അടുത്ത വൃത്തങ്ങള്‍ സൂചിപ്പിക്കുന്നു.
കൂടാതെ കാക്കി നിക്കറിന്റെ നിറത്തിലും മാറ്റം വരുത്താനുള്ള ചര്‍ച്ചകളും സംഘടനക്കുള്ളില്‍ നടക്കുന്നുണ്ട്. കഴിഞ്ഞ കാലങ്ങളില്‍ ചെറിയ ചില മാറ്റങ്ങള്‍ വരുത്തിയതല്ലാതെ ആദ്യ കാലം മുതല്‍ ഉള്ള യൂണിഫോമാണ് ആര്‍ എസ് എസ് ഇപ്പോയും ഉപയോഗിക്കുന്നത്. എന്നാല്‍ ഇതുമായി ബംന്ധപ്പെട്ട ചര്‍ച്ചകള്‍ നടക്കാറുണ്ടെങ്കിലും വലിയ മാറ്റങ്ങളൊന്നും വരുത്താന്‍ നേതൃത്വം ഇതുവരെ തയ്യാറായിട്ടില്ല.
