‘മേക്ക് ഇന്‍ ഇന്ത്യ’യില്‍ പങ്കാളികളാകാന്‍ കമ്പനികളോട് അഭ്യര്‍ത്ഥിച്ച പ്രധാനമന്ത്രി ഇത് വെറുമൊരു മുദ്രാവാക്യമല്ലെന്നും വ്യക്തമാക്കി. ഇന്ത്യയുടെ വികസനത്തില്‍ പങ്കാളികളാകുന്നതില്‍ അഭിമാനം കൊള്ളൂവെന്ന് പറഞ്ഞ മോഡി ഇന്ത്യയില്‍ വ്യാപാരം ചെയ്യാനെത്തുന്നവരെ സഹായിക്കാന്‍ സര്‍ക്കാര്‍ സന്നദ്ധമാണെന്നും പ്രഖ്യാപിച്ചു.
ഹാനോവറില്‍ ജര്‍മനിയിലെ വ്യവസായ കമ്പനികളുടെ സി ഇ ഒമാരുമായി മോഡി കൂടിക്കാഴ്ച നടത്തി. വാണിജ്യമന്ത്രി നിര്‍മല സീതാരാമനും യോഗത്തില്‍ പങ്കെടുത്തു. തുടര്‍ന്ന്, ചാന്‍സലര്‍ ആഞ്ജല മെര്‍ക്കലുമായും മോഡി കൂടിക്കാഴ്ച നടത്തി.
