ആലപ്പുഴ ബിജെപി നേതാവിന്റെ കൊലപാതകം ആസൂത്രണം ചെയ്തത് സ്ത്രീകള്‍ !
ആലപ്പുഴ കലവൂരില്‍ ബി ജെ പി നേതാവ് വേണുഗോപാലിനെ വെട്ടിക്കൊന്ന കേസ് ആസൂത്രണം ചെയ്തത് നാലു സ്ത്രീകള്‍. ഇവര്‍ ക്വട്ടേഷന്‍ സംഘത്തെ ഉപയോഗിച്ചായിരുന്നു കൊലപാതകം നടത്തിയതെന്ന് പൊലീസിന്റെ അന്വേഷണത്തില്‍ തെളിഞ്ഞു.
സ്മിതയുടെ ഭര്‍ത്താവിനെ കൊന്നതിലുള്ള പ്രതികാരത്തിലാണ് പ്രതികള്‍ കൊലപാതകം ആസൂത്രണം ചെയ്തതെന്നാണ് പൊലീസ് അറിയിച്ചത്. കഴിഞ്ഞ മാസം 29നാണ് ആലപ്പുഴ നിയോജകമണ്ഡലം സെക്രട്ടറി പുതുവേലിച്ചിറ വേണുഗോപാല്‍(46) കൊല്ലപ്പെട്ടത്.
കാലത്ത് ആറു മണിക്ക് വീട്ടില്‍ അലക്കിക്കൊണ്ടിരിക്കുമ്പോള്‍ അക്രമിസംഘം വേണുഗോപാലിനെ വെട്ടിവീഴ്ത്തുകയായിരുന്നു. ക്വട്ടേഷന്‍ സംഘങ്ങളുടെ കുടിപ്പകയാണ് കൊലപാതകത്തിന് കാരണമെന്ന നിഗമനത്തിലായിരുന്നു തുടക്കത്തില്‍ പൊലീസ്.
