നോട്ടുകള്‍ നിരോധിച്ച പ്രധാനമന്ത്രിയുടെ നടപടിയ്ക്കെതിരെ രൂക്ഷ വിമര്‍ശനവുമായി വിഎസ് അച്യുതാനന്ദന്‍. 95 വയസ് കഴിഞ്ഞ സ്വന്തം അമ്മയുടെ കൈയില്‍ ചാപ്പ കുത്തിയ മഹാനാണ് മോദി. ആ അമ്മയുടെ ശാപത്തില്‍ നിന്നും രക്ഷപ്പെടാന്‍ അദ്ദേഹത്തിനു കഴിയില്ല. ഉലകം ചുറ്റും വാലിബന്‍ എന്ന പേരാണ് മോദിയ്ക്ക് കൂടുതല്‍ ഇണങ്ങുകയെന്നും വിഎസ് പറഞ്ഞു.
അതേസമയം, നോട്ട് നിരോധനം എട്ടാംദിവസത്തിലേക്ക് കടക്കുമ്പോഴും രാജ്യമെമ്പാടുമുള്ള ജനങ്ങള്‍ നോട്ടിനായി എടിഎമ്മുകളിലേക്കും ബാങ്കുകളിലേക്കുമുള്ള ഓട്ടം തുടരുകയാണ്. കൂടാതെ അക്കൌണ്ടുള്ള ബ്രാഞ്ചിലല്ലാതെ ബാക്കിയുളള ബാങ്കില്‍ നിന്നും നോട്ടുകള്‍ മാറ്റിവാങ്ങുമ്പോള്‍ കൈയില്‍ മഷി പുരട്ടാനും ഇന്നലെ കേന്ദ്രം നിര്‍ദേശം നല്‍കിയിരുന്നു.
