സുരക്ഷാപ്രശ്നങ്ങള്‍ കണക്കിലെടുത്ത് ദശലക്ഷ കണക്കിന് എ ടി എം കാര്‍ഡുകള്‍ ബ്ലോക്ക് ചെയ്തു. എസ് ബി ഐ, എച്ച് ഡി എഫ് സി, യെസ് ബാങ്ക്, ആക്സിസ് ബാങ്ക്, ഐ സി ഐ സി ഐ ബാങ്കുകളാണ് എ ടി എം കാര്‍ഡുകള്‍ ബ്ലോക്ക് ചെയ്തത്.
ഹിറ്റാച്ചി പേയ്‌മെന്റ് സര്‍വ്വീസ് കമ്പനിയാണ് എ ടി എം കാര്‍ഡുകളും എ ടി എം മെഷീനുകളും നിര്‍മ്മിക്കുന്നത്. ഈ കമ്പനിയില്‍ നിന്നും കാര്‍ഡുകളുടെ സുരക്ഷാവിവരങ്ങള്‍ ചോര്‍ന്നിട്ടുണ്ടെന്ന് നാഷണല്‍ പേയ്‌മെന്റ് കോര്‍പ്പറേഷന്‍ വിവരം നല്കിയിരുന്നു. ഇതിനെ തുടര്‍ന്ന് 32 ലക്ഷത്തോളം കാര്‍ഡുകള്‍ ബ്ലോക്ക് ചെയ്യുകയായിരുന്നു.
