റേഷന്‍ കടകളിലെ സമയ ക്രമത്തില്‍ മാറ്റം. സംസ്ഥാനത്തെ റേഷന്‍ കടകളുടെ സമയ ക്രമത്തില്‍ മറ്റന്നാള്‍ മുതലാണ് മാറ്റം വരുന്നത്. സംസ്ഥാന ഭക്ഷ്യ മന്ത്രി ജി.ആര്‍ അനിലാണ് ഇക്കാര്യം അറിയിച്ചത്. മറ്റന്നാള്‍ മുതല്‍ രാവിലെ 8 മുതല്‍ 12 വരെയും വൈകുന്നേരം 4 മുതല്‍ 7 മണി വരെയുമാണ് റേഷന്‍ കടകളുടെ പ്രവര്‍ത്തന സമയം. നേരത്തെ ഇത് രാവിലെ 8.30 മുതല്‍ 12.30 വരെയും വൈകീട്ട് 3.30 മുതല്‍ 6.30 വരെയുമായിരുന്നു സമയം. വേനല്‍ ചൂട് വര്‍ധിക്കുന്നതുള്‍പ്പെടെയുള്ള കാര്യങ്ങള്‍ പരിഗണിച്ചാണ് സമയക്രമത്തില്‍ മാറ്റം വരുത്തിയത്.
