തനിക്കെതിരായ പീഡന ആരോപണത്തില്‍ ഡിജിപിക്ക് പരാതി നല്‍കി നടന്‍ നിവിന്‍ പോളി. ആരോപണം വ്യാജമാണെന്ന് നിവിന്‍ പറഞ്ഞു. തനിക്കെതിരെയുള്ളത് കള്ളക്കേസെന്ന് ചൂണ്ടിക്കാട്ടി അദ്ദേഹം ഡിജിപിക്ക് പ്രാഥമിക പരാതി നല്‍കി. തന്റെ പരാതി കൂടി പരിശോധിക്കണമെന്നും എഫ്‌ഐആര്‍ കോപ്പി കിട്ടിയശേഷം വിശദമായ പരാതി എഴുതി നല്‍കും എന്നും നിവിന്‍ വ്യക്തമാക്കി.
എന്നാല്‍, ആരോപണം നിവിന്‍ പോളി നിഷേധിക്കുകയാണ് ചെയ്തത്. പരാതി അടിസ്ഥാനരഹിതമാണെന്നും ഈ പെണ്‍കുട്ടിയെ കാണുകയോ സംസാരിക്കുകയോ ചെയ്തിട്ടില്ലെന്നും നിവിന്‍ പോളി പറഞ്ഞു. പരാതിക്ക് പിന്നില്‍ ഗൂഢാലോചനയുണ്ട്. കരുതിക്കൂട്ടി അപകീര്‍ത്തിപ്പെടുത്താന്‍ നടത്തുന്ന ശ്രമമാണ്. അന്വേഷണവുമായി സഹകരിക്കുമെന്നും നിരപരാധിത്വം തെളിയിക്കാന്‍ ഏതറ്റം വരെയും പോകുമെന്നും നിവിന്‍ പോളി വാര്‍ത്താസമ്മേളനത്തില്‍ പറഞ്ഞു.
