എംഎല്എ ലൈംഗികമായി പീഡിപ്പിച്ചെന്നും ഗര്ഭഛിദ്രത്തിനു നിര്ബന്ധിച്ചെന്നും കാട്ടി മുഖ്യമന്ത്രി പിണറായി വിജയനാണ് യുവതി പരാതി നല്കിയത്. മുഖ്യമന്ത്രി പരാതി ക്രൈം ബ്രാഞ്ച് എഡിജിപി എച്ച്.വെങ്കിടേഷിനു കൈമാറിയിട്ടുണ്ട്. തിരുവനന്തപുരം റൂറല് എസ്.പി കെ.എസ്.സുദര്ശന് അതിജീവിതയുടെ മൊഴിയെടുത്തു. രാഹുലിനെതിരെ കേസ് രജിസ്റ്റര് ചെയ്തിട്ടുണ്ട്. പാലക്കാട്ടെ എംഎല്എ ഓഫീസ് പൂട്ടി രാഹുല് മാങ്കൂട്ടത്തില് ഒളിവില് പോയെന്നാണ് വിവരം.
വിവാഹവാഗ്ദാനം നല്കി പീഡനം, പെണ്കുട്ടിയുടെ ജീവന് അപകടത്തിലാക്കുന്ന അശാസ്ത്രീയ ഗര്ഭഛിദ്രത്തിനു പ്രേരിപ്പിച്ചു തുടങ്ങിയ കുറ്റങ്ങള് ചുമത്തിയാണ് കേസെടുത്തിരിക്കുന്നത്. 10 വര്ഷം മുതല് ജീവപര്യന്തം വരെ ലഭിക്കാവുന്ന വകുപ്പുകളാണ് എംഎല്എയ്ക്കെതിരെ ചുമത്തിയിരിക്കുന്നത്.
