' എന്റെ ഓഫീസ് എന്നു പറയുന്നതിനേക്കാള്‍ അത് ജനങ്ങളുടെ ഓഫീസാണ്. വയനാട്ടിലെ ജനങ്ങളുടെ ശബ്ദമുള്ള ഓഫീസാണ്. നിര്‍ഭാഗ്യകരമായ സംഭവമാണ് നടന്നത്. അക്രമങ്ങള്‍ ഒരിക്കലും പ്രശ്‌നങ്ങള്‍ക്ക് പരിഹാരമാകില്ല. എന്തൊക്കെയായാലും കുട്ടികളാണ് അത് ചെയ്തത്. അവരും കുട്ടികളാണ്. നല്ല കാര്യങ്ങളല്ല അവര്‍ ചെയ്തത്. നിരുത്തരവാദിത്തപരമായ രീതിയിലാണ് അവര്‍ പ്രതികരിച്ചത്. പക്ഷേ എനിക്ക് അവരോട് എന്തെങ്കിലും ദേഷ്യമോ ശത്രുതയോ ഇല്ല. അതൊരു ചെറിയ കാര്യമായി കാണുന്നു. പ്രശ്‌നങ്ങളുടെ ഗൗരവം മനസ്സിലാക്കിയാണ് അവര്‍ അത് ചെയ്തതെന്ന് തോന്നുന്നില്ല. അവരോട് ഞങ്ങള്‍ ക്ഷമിക്കുന്നു,' രാഹുല്‍ ഗാന്ധി പറഞ്ഞു.
