അതീവ പ്രശ്‌ന ബാധിതമായി പൊലീസ് കണ്ടെത്തിയ 1,315 പോളിംഗ് ബൂത്തുകളുടെ പട്ടികയില്‍ 1,022 ബൂത്തുകളില്‍ വെബ്കാസ്റ്റിംഗ് ഏര്‍പ്പെടുത്തി തെരഞ്ഞെടുപ്പ് കമ്മീഷന്‍ ഉത്തരവായി. വെബ് കാസ്റ്റിംഗിനുളള പശ്ചാത്തല സൗകര്യമുണ്ടെന്ന് ബി എസ് എന്‍ എല്‍ അധികാരികള്‍ അറിയിച്ച ബൂത്തുകളിലാണിത്. ശേഷിച്ച ബൂത്തുകളില്‍ വീഡിയോഗ്രാഫി ഏര്‍പ്പെടുത്താനും ജില്ലാ തെരഞ്ഞെടുപ്പ് ഉദ്യോഗസ്ഥര്‍ക്ക് ചുമതല നല്‍കി.
പോളിംഗ് ദിവസം വീഡിയോഗ്രാഫി ഏര്‍പ്പെടുത്തുന്നതിന് ബൂത്ത് ഒന്നിന് 4,000 രൂപ നിരക്കാണ് നിശ്ചയിച്ചിട്ടുളളത്. ജില്ല തെരഞ്ഞെടുപ്പു ഉദ്യോഗസ്ഥരും ജില്ല പൊലീസ് മേധാവിയും സിറ്റി പൊലീസ് കമ്മീഷണറും ചേര്‍ന്ന് കണ്ടെത്തുന്ന മറ്റ് പ്രശ്‌ന ബാധിത ബൂത്തുകളില്‍ വീഡിയോഗ്രാഫി ഈ നിരക്കില്‍ കമ്മീഷന്റെ ചെലവില്‍ ഏര്‍പ്പെടുത്തും.
