സൌമ്യ നാടിന്റെയാകെ മകളാണെന്ന് മുഖ്യമന്ത്രി പിണറായി വിജയന്‍. സൌമ്യയ്ക്ക് നീതി ലഭിക്കുന്നതിനായി സര്‍ക്കാരിന് ചെയ്യാന്‍ പറ്റുന്നതെല്ലാം ചെയ്യുമെന്നും മുഖ്യമന്ത്രി വ്യക്തമാക്കി. സൌമ്യ വധക്കേസുമായി ബന്ധപ്പെട്ട കോടതി വിധിയുടെ പശ്ചാത്തലത്തില്‍ സൌമ്യയുടെ അമ്മ സുമതിയുമായി മുഖ്യമന്ത്രി നടത്തിയ കൂടിക്കാഴ്ചക്ക് ശേഷം തന്റെ ഫേസ്‌ബുക്ക് പോസ്റ്റിലാണ് മുഖ്യമന്ത്രി ഇക്കാര്യങ്ങള്‍ വ്യക്തമാക്കിയത്.
മുഖ്യമന്ത്രിയുടെ ഫേസ്‌ബുക്ക് പോസ്റ്റിന്റെ പൂര്‍ണ്ണരൂപം:
സൌമ്യ വധക്കേസുമായി ബന്ധപ്പെട്ട കോടതി വിധിയുടെ പശ്ചാത്തലത്തിൽ സൌമ്യയുടെ അമ്മ സുമതി ഇന്ന് നേരിൽ കണ്ടു കാര്യങ്ങൾ പറയാൻ ഓഫിസിൽ എത്തിയിരുന്നു. സൌമ്യ നാടിന്റെയാകെ മകളാണിന്ന്. സൌമ്യക്ക് നീതി ലഭിക്കാനായി ചെയ്യാൻ പറ്റുന്നതൊക്കെ സർക്കാർ ചെയ്യും. ഇനിയും ഇത്തരം സംഭവങ്ങൾ ആവർത്തിച്ചുകൂടാ. ആ അമ്മയുടെ ദുഖവും ആശങ്കയും നാമെല്ലാവരും പങ്കിടുന്നതാണ്.
മന്ത്രിമാരായ ഇ ചന്ദ്രശേഖരൻ, എ.കെ.ബാലൻ, മാത്യു ടി തോമസ്, രാമചന്ദ്രൻ കടന്നപ്പള്ളി, എ.കെ.ശശീന്ദ്രൻ , മേഴ്സിക്കുട്ടിയമ്മ, K. T.ജലീൽ, കെ.രാജു, ഷൊർണൂർ എം.എൽ എ പി. കെ ശശി, DGP ലോക് നാഥ് ബെഹ്റ എന്നിവരുമുണ്ടായി.
