ഗായകൻ യേശുദാസ് പ്രളയദുരന്തത്തിൽ സഹായമെത്തിച്ചില്ലെന്ന വാർത്ത തെറ്റാണെന്ന് മുഖ്യമന്ത്രി പിണറായി വിജയൻ. അദ്ദേഹം എല്ലാ പിന്തുണയും അറിയിച്ചിട്ടുണ്ടെന്നും അദ്ദേഹം വ്യക്തമാക്കി.
യേശുദാസും മറ്റ് സാംസ്‌കാരിക നായകരും പ്രളയദുരന്തമനുഭവിക്കുന്നവർക്കായി ഒന്നും ചെയ്‌തില്ല എന്ന് നിയമസഭയിൽ പി സി ജോർജ്ജ് ആരോപിച്ചിരുന്നു. അതേത്തുടർന്നാണ് മുഖ്യമന്ത്രി ഈ ആരോപണത്തിന് മറുപടിയുമായെത്തിയത്.
'യേശുദാസ് എന്നെ ഫോണിൽ വിളിച്ചിരുന്നു. അദ്ദേഹം ഇപ്പോൾ നാട്ടിലില്ല. എല്ലാ സഹായവും പിന്തുണയും പ്രഖ്യാപിച്ചിട്ടുണ്ട്'- പിണറായി വിജയൻ വ്യക്തമാക്കി.
