സിമന്റ് ലോറി നിയന്ത്രണം വിട്ട് വിദ്യാര്‍ഥികള്‍ക്കു മുകളിലേക്ക് മറിയുകയായിരുന്നു. സ്‌കൂളില്‍ നിന്ന് ക്രിസ്മസ് പരീക്ഷ കഴിഞ്ഞു മടങ്ങുകയായിരുന്നു വിദ്യാര്‍ഥികള്‍. അഞ്ച് കുട്ടികളാണ് ആ സമയത്ത് റോഡ് സൈഡിലൂടെ പോയിരുന്നത്. ഒരു വിദ്യാര്‍ഥി അല്‍പ്പം മുന്‍പില്‍ ആയിരുന്നതു കൊണ്ട് നേരിയ പരുക്കുകളോടെ രക്ഷപ്പെടുകയായിരുന്നു. മറ്റു നാല് കുട്ടികളാണ് ലോറി മറിഞ്ഞ് കൊല്ലപ്പെട്ടത്.
കരിമ്പ ഹയര്‍ സെക്കന്‍ഡറി സ്‌കൂളിലെ നാലാം ക്ലാസ് വിദ്യാര്‍ഥിനികളായ ഇര്‍ഫാന, മിത, റിദ, ആയിഷ എന്നിവരാണ് മരിച്ചത്. പരുക്കേറ്റ കുട്ടി ആശുപത്രിയില്‍ ചികിത്സയിലാണ്. പാലക്കാട് ദേശീയപാതയില്‍ വൈകിട്ട് നാലുമണിക്കാണ് അപകടം ഉണ്ടായത്.
