ഓപ്പറേഷന്‍ സുരക്ഷ: 571 പേര്‍ അറസ്റ്റില്‍

ഗുണ്ടാ മാഫിയാ സംഘങ്ങള്‍ക്കെതിരെയുള്ള നടപടികളുടെ ഭാഗമായി സംസ്ഥാനത്തൊട്ടാകെ കഴിഞ്ഞ ദിവസം 571 പേര്‍ അറസ്റ്റിലായി. തിരുവനന്തപുരം റേഞ്ചില്‍ 95 പേരും കൊച്ചി റേഞ്ചില്‍ 101 പേരും തൃശൂര്‍ റേഞ്ചില്‍ 175 പേരും കണ്ണൂര്‍ റേഞ്ചില്‍ 200 പേരുമാണ് അറസ്റ്റിലായത്.

ജില്ല തിരിച്ചുള്ള കണക്കുകളില്‍ തിരുവനന്തപുരം സിറ്റിയില്‍ 2 പേരും റൂറലില്‍ 43 പേരും കൊല്ലം സിറ്റിയില്‍ 16 പേരും റൂറലില്‍ 18 പേരും പത്തനംതിട്ടയില്‍ 16 പേരും ആലപ്പുഴയില്‍ 12 പേരും കോട്ടയത്ത് 3 പേരും ഇടുക്കിയില്‍ 4 പേരും അറസ്റ്റിലായി.

കൊച്ചി സിറ്റിയില്‍ 49 പേരും എറണാകുളം റൂറലില്‍ 33 പേരും തൃശൂര്‍ സിറ്റിയില്‍ 35 പേരും റൂറലില്‍ 49 പേരും പാലക്കാട് 77 പേരും മലപ്പുറത്ത് 14 പേരും കോഴിക്കോട് സിറ്റിയില്‍ 35 പേരും റൂറലില്‍ 20 പേരും വയനാട് 21 പേരും കണ്ണൂരില്‍ 85 പേരും കാസര്‍കോട് 39 പേരും അറസ്റ്റിലായി. വരും ദിവസങ്ങളിലും സമാനമായ റെയ്ഡുകള്‍ ഉണ്ടാവുമെന്ന് പൊലീസ് മേധാവി അറിയിച്ചു.