നരബലി കേസില്‍ മൂന്നു പ്രതികളെയും രണ്ടാഴ്ചത്തേക്ക് റിമാന്‍ഡ് ചെയ്തു. താന്‍ വിഷാദരോഗിയാണെന്ന് ലൈല പറഞ്ഞു. അതേസമയം പോലീസിനെതിരെ പരാതി ഇല്ലെന്നും പ്രതികള്‍ കോടതിയില്‍ അറിയിച്ചു. രാവിലെ എറണാകുളം ഒന്നാം ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ എത്തിച്ച പ്രതികള്‍ക്ക് വേണ്ടി അഡ്വക്കേറ്റ് ബി ആളൂര്‍ ഹാജരായി. റിമാന്‍ഡ് റിപ്പോര്‍ട്ടിന്റെ പകര്‍പ്പ് അഡ്വക്കേറ്റ് ആളൂര്‍ ആവശ്യപ്പെട്ടെങ്കിലും വക്കാലത്ത് ഒപ്പിടാത്തതിനാല്‍ നല്‍കാന്‍ ആവില്ല എന്ന് പോലീസ് അറിയിച്ചു. ഇതോടെ പ്രതികള്‍ക്ക് വേണ്ടി ഹാജരാകുമെന്ന് അഭിഭാഷകന്‍ അറിയിച്ചു.
