മിസോറം ഗവർണറായി കുമ്മനം രാജശേഖരൻ ഇന്ന് ചുമതലയേൽക്കും. രാവിലെ 11-നാണ് സത്യപ്രതിഞ്ജ∙ "ഞാൻ പരിപൂർണ തൃപ്തനാണെന്നും സംഘടന ഏൽപിക്കുന്ന ഏതു ജോലി ചെയ്യാനും തയാറാണെന്നും’ മിസോറമിലേക്ക് പുറപ്പെടുന്നതിന് മുമ്പ് അദ്ദേഹം വ്യക്തമാക്കി.
ഗവർണർ നിർഭയ് ശർമ ഈ മാസം 28-ന് സ്ഥാനമൊഴിയുന്ന സാഹചര്യത്തിലാണ് ഇങ്ങനെയൊരു തീരുമാനം. രണ്ട് ദിവസങ്ങൾക്ക് മുമ്പാണ് കുമ്മനത്തെ മിസോറാം ഗവർണറായി നിയമിച്ച് രാഷ്‌ട്രപതി ഉത്തരവിറക്കിയത്. വക്കം പുരുഷോത്തമനു ശേഷം മിസോറം ഗവർണറാകുന്ന ആദ്യ മലയാളിയാണു കുമ്മനം.
2015-ൽ സംഘപരിവാർ സംഘടനയുടെ നേതൃത്വത്തിൽ നിന്ന കുമ്മനത്തെ അപ്രതീക്ഷിതമായാണ് ബിജെപി സംസ്ഥാന അധ്യക്ഷനായി നിയമിച്ചത്. അതുപോലെ തന്നെയാണ് ഈ ഗവർണർ സ്ഥാനവും. കുമ്മനം ഈ ഗവർണർ സ്ഥാനം സ്വീകരിക്കുന്നതോടെ 18-മത്തെ മലയാളി ഗവർണർ എന്ന പദവി അദ്ദേഹത്തിന് സ്വന്തം.
കുമ്മനത്തിന്റെ ഒഴിവിലേക്ക് ആരെ പുതിയ സംസ്ഥാന അധ്യക്ഷനാക്കുമെന്ന കാര്യത്തിൽ ഇതുവരെ തീരുമാനമൊന്നും ആയില്ല.
