സി പി എം പ്രവര്‍ത്തകരുടെ വീടുകളില്‍ പൊലീസ് അതിക്രമമെന്ന് പരാതി. ചെറുവണ്ണൂര്‍ പഞ്ചായത്തിലെ ആവള, കക്കറമുക്ക് പ്രദേശങ്ങളിലെ സി പി എം പ്രവര്‍ത്തകരുടെ വീടുകളില്‍ മേപ്പയൂര്‍ ഇന്‍സ്‌പെക്‍ടറുടെ നേതൃത്വത്തിലെത്തിയ പൊലീസ് സംഘം അക്രമം കാണിച്ചെന്നാണ് പ്രവര്‍ത്തകര്‍ പരാതിപ്പെടുന്നത്.
പെരിഞ്ചേരിക്കടവിലെ കാക്കാം കൈക്കുനി ഗംഗാധരന്‍, സഹോദരന്‍ കെ കെ പ്രകാശന്‍, കക്കറമുക്കിലെ കുനിമ്മല്‍ ചന്ദ്രന്‍ എന്നിവരുടെ വീടുകളിലാണ് വെള്ളിയാഴ്‌ച അര്‍ദ്ധരാത്രിയോടെ പൊലീസ് അതിക്രമമുണ്ടായതെന്നാണ് സി പി എം ആരോപിക്കുന്നത്. വീടുകളുടെ മുകള്‍നിലകളിലേക്ക് കോണിവച്ച് കയറിയ പൊലീസ് സംഘം വാതിലുകള്‍ ചവിട്ടിപ്പൊളിച്ച് അകത്തുകടന്നെന്നും ആരോപണമുണ്ട്.
