കോഴിക്കോട് നഗരത്തിലെ ഓട്ടോറിക്ഷ പണിമുടക്കിനിടെ വ്യാപക ആക്രമണം. 35 ഓട്ടോറിക്ഷകള്‍ ആക്രമിക്കപ്പെട്ടു. ആക്രമണത്തില്‍ കേടുപാട് സംഭവിച്ച ഓട്ടോറിക്ഷകളുമായി ഡ്രൈവര്‍മാര്‍ നടക്കാവ് പോലീസ് സ്റ്റേഷനില്‍ എത്തി പരാതി നല്‍കി. പണിമുടക്ക് ദിവസം സര്‍വീസ് നടത്തിയ ഓട്ടോകളാണ് ആക്രമിക്കപ്പെട്ടത്. പെര്‍മിറ്റ് ഇല്ലാതെ സര്‍വീസ് നടത്തുന്ന ഓട്ടോറിക്ഷകള്‍ക്കെതിരെ നടപടി സ്വീകരിക്കണമെന്ന് അടക്കമുള്ള ആവശ്യങ്ങള്‍ ഉന്നയിച്ചാണ് ഒരു വിഭാഗം ഓട്ടോറിക്ഷകള്‍ കോഴിക്കോട് നഗരത്തില്‍ കഴിഞ്ഞദിവസം പണിമുടക്ക് നടത്തിയത്.
