അതിഥിതൊഴിലാളികളുമായി കോട്ടയത്തുനിന്ന് ഉത്തര്‍പ്രദേശിലേക്കുള്ള ട്രെയിന്‍ വൈകുന്നേരം പുറപ്പെടും; പോകുന്നത് 1464 അതിഥിതൊഴിലാളികള്‍

അതിഥിതൊഴിലാളികളുമായി ഉത്തര്‍പ്രദേശിലേക്കുള്ള ട്രെയിന്‍ ഇന്ന് വൈകുന്നേരം 6.45ന് പുറപ്പെടും. നാലുജില്ലകളില്‍ നിന്നുമായി 1464 അതിഥിതൊഴിലാളികളാണ് യാത്രതിരിക്കുന്നത്. യാത്രാചിലവ് ഇവരില്‍ നിന്നാണ് ഈടാക്കുന്നത്. ആഹാരവും വെള്ളവും ജില്ലാഭരണകൂടം ഒരുക്കിയിട്ടുണ്ട്.

അതിഥിതൊഴിലാളികളെ റെയില്‍വേ സ്‌റ്റേഷനില്‍ എത്തിക്കുന്നതിനായി 29 കെഎസ്ആര്‍ടിസി ബസുകളാണ് സജ്ജമാക്കിയിരിക്കുന്നത്. കോട്ടയം- 778, ഇടുക്കി-98, ആലപ്പുഴ-350, പത്തനംതിട്ട 238 എന്നിങ്ങനെയാണ് ജില്ലതിരിച്ചുള്ള അതിഥിതൊഴിലാളികളുടെ കണക്ക്. കോട്ടയം താലൂക്കില്‍ നിന്നാണ് ഏറ്റവും അധികം തൊഴിലാളികള്‍ ഉള്ളത്. മറ്റു ജില്ലകളില്‍നിന്ന് ആകെ 686 തൊഴിലാളികളാണുള്ളത്.