യു ഡി എഫ് വിടാനുള്ള തീരുമാനത്തില്‍ ഉറച്ചു നില്‍ക്കുകയാണെന്ന് കേരള കോണ്‍ഗ്രസ് (എം) ചെയര്‍മാന്‍ കെ എം മാണി. മാധ്യമപ്രവര്‍ത്തകരോട് മാണി നിലപാട് വ്യക്തമാക്കിയത്. ഒരു തീരുമാനമെടുത്തു. ആ തീരുമാനത്തില്‍ ഉറച്ചു നില്‍ക്കുന്നു. നിയമസഭയില്‍ സ്വതന്ത്ര ബ്ലോക്കായി ഇരിക്കാനുള്ള തീരുമാനത്തില്‍ മാറ്റമില്ലെന്നും അദ്ദേഹം വ്യക്തമാക്കി.
മുസ്ലിം ലീഗ് കേരള കോണ്‍ഗ്രസുമായി വളരെ സ്നേഹത്തില്‍ നില്‍ക്കുന്ന പാര്‍ട്ടിയാണ്. ലീഗ് നേതാക്കള്‍ കാണാന്‍ ആഗ്രഹിക്കുന്നതില്‍ കുഴപ്പമില്ല. പക്ഷേ, അതൊരിക്കലും മധ്യസ്ഥ ചര്‍ച്ചകള്‍ ആകില്ലെന്നും മാണി പറഞ്ഞു. യു ഡി എഫില്‍ ഞങ്ങള്‍ നില്‍ക്കണം എന്ന് ആഗ്രഹിക്കുന്നവര്‍ ഞങ്ങള്‍ പുറത്തേക്ക് പോകുന്നത് തടയാന്‍ ശ്രമിക്കുമെന്നും മാണി പറഞ്ഞു.
