സ്വകാര്യബസ് സമരത്തില്‍ സംഘടനകള്‍ ഇങ്ങോട്ട് വന്നാല്‍ ചര്‍ച്ചയ്ക്ക് തയ്യാറെന്ന് ഗതാഗതമന്ത്രി ആന്റണി രാജു. ഇക്കാര്യത്തില്‍ സര്‍ക്കാരിന് പിടിവാശിയില്ലെന്നും ബസ്ഉടമ സംഘടനയിലെ ചില നേതാക്കളാണ് പിടിവാശികാണിക്കുന്നതെന്നും മന്ത്രി പറഞ്ഞു. ഈമാസം 30ന് എല്‍ഡിഎഫ് യോഗം ചേരുകയാണ്. ഇതിനു ശേഷം ബസ് ചാര്‍ജ് വര്‍ധനയില്‍ തീരുമാനം ഉണ്ടാകുമെന്ന് ഗതാഗതവകുപ്പ് മന്ത്രി പറഞ്ഞു. നിരക്ക് വര്‍ധിപ്പിക്കാതെ സമരം അവസാനിപ്പിക്കില്ലെന്ന തീരുമാനത്തിലാണ് ബസുടമകള്‍.
