തിരുവനന്തപുരം: കേരളത്തിൽ പ്രളയം ഏൽപ്പിച്ച കടുത്ത അഘാതത്തിൽ നിന്നും കരകയറുന്നതിനായി സംസ്ഥാനത്തെ എല്ലാ ഉത്സവ ആഘോഷ പരിപാടികളും ഒരു വർഷത്തേക്ക് റദ്ദാക്കികൊണ്ട് ഉത്തരവിറക്കി. സംസ്ഥാന സ്കൂൾ കലോത്സവം, അന്തരാഷ്ട്ര ചൽച്ചിത്രമേള, ടൂറിസം ഉത്സവം ഉൾപ്പടെ എല്ലാ ആഘോഷ പരിപാടികളും റദ്ദാക്കാനാണ് തീരുമാനിച്ചിരിക്കുന്നത്.
ഏഷ്യയിലെ തന്നെ ഏറ്റവും വലിയ കലാ മാമാങ്കമായ കേരള സ്കൂൾ കലോത്സവം പ്രളയം ഏറ്റവും കൂടുതൽ ബാധിച്ച ആലപ്പുഴ ജില്ലയിലാണ് നടത്താൻ തീരുമാനിച്ചത്. ഡിസംബർ 5 മുതൽ 9 വരെയായിരുന്നു സംസ്ഥാന സ്കൂൾ കലോത്സവം നടത്താൻ തീരുമാനിച്ചിരുന്നത്. പ്രളയ ദുരന്തത്തെ തൂടർന്ന് നേരത്തെ ഓണാഘോഷവും സ്വാതന്ത്ര്യ ദിനാഘോഷവും മാറ്റിവച്ചിരുന്നു.
