സംഘർഷം യാദൃശ്ചികമായി ഉണ്ടായതല്ല. ബിജെപി, കോൺഗ്രസ് നേതാക്കളാണ് സമരത്തിന് ചുക്കാൻ പിടിച്ചത്. ഡിജിപിയെ കാണാൻ അനുമതി ലഭിച്ചിട്ടും ജിഷ്ണുവിന്റെ ബന്ധുക്കൾ തയ്യാറായില്ല. കൂടെയുണ്ടായിരുന്ന ചിലർ പ്രകോപനം സൃഷ്ടിച്ചു. മർദനമേറ്റതായ മഹിജയുടെ പരാതി നിഷ്പക്ഷമായാണ് അന്വേഷിക്കുക. ബിജെപി, കോൺഗ്രസ് മുന്നണികളുടെ ദുഷ്ടലാക്ക് തിരിച്ചറിയണമെന്നും സിപിഎം നേതൃത്വം അറിയിച്ചു.
മകന്റെ മരണത്തില്‍ മനംനൊന്ത് കഴിയുന്ന ഒരു അമ്മയുടെ പേരില്‍ സര്‍ക്കാര്‍ വിരുദ്ധ വികാരംപടര്‍ത്താനാണ് ബോധപൂര്‍വ്വമായ ഈ രാഷ്ട്രീയ യജ്ഞം നടക്കുന്നത്. അതിന്റെ ഭാഗമായാണ് സംസ്ഥാനത്ത് ഹര്‍ത്താല്‍ നടത്തിയത്. അതിനാണ് ഒന്നാം ഇഎംഎസ് സര്‍ക്കാരിന്റെ അറുപതാം വാര്‍ഷിക ആഘോഷദിനത്തില്‍ തന്നെ ഡിജിപി ഓഫിസിന് മുന്നില്‍ സമരവും സംഘര്‍ഷവും സൃഷ്ടിച്ചതെന്നും സിപിഎം നേതൃത്വം വ്യക്തമാക്കി.
