ജസ്റ്റിസ് ആന്റണി ഡൊമിനിക് കേരള ഹൈക്കോടതി ആക്ടിങ് ചീഫ് ജസ്റ്റിസ്

കേരള ഹൈക്കോടതിയുടെ ആക്റ്റിംഗ് ചീഫ് ജസ്റ്റിസായി ജസ്റ്റിസ് ആന്റണി ഡൊമിനിക്കിനെ നിയമിച്ചു. ശനിയാഴ്ച സ്ഥാനം ഒഴിയുന്ന ജസ്റ്റിസ്സ് നവനീതി പ്രസാദ് സിംഗിനു പകരമാണ് ആന്റണി ഡൊമിനിക്കിനെ നിയമിച്ചത്. നവംബർ ആറിനാണ് അദ്ദേഹം ചുമതലയേൽക്കുക.

1956 ൽ ജനിച്ച ജസ്റ്റിസ് ആന്റണി ഡൊമിനിക് മംഗലാപുരത്തെ എസ് ഡി എം ലോ കോളേജിൽ നിന്നാണ് നിയമ ബിരുദം നേടിയത്. 1986ൽ കേരള ഹൈക്കോടതിയിൽ പ്രാക്ടീസ് തുടങ്ങി. 2007 ൽ കേരള ഹൈക്കോടതിയിൽ അഡിഷണൽ ജഡ്ജായി നിയമിതനായി. 2008 ൽ സ്ഥിരം ജഡ്ജായി നിയമിതനായി.