കഴിഞ്ഞയാഴ്ച തൃശൂര്‍ ഗവ‍ണ്‍മെന്‍റ് മെഡിക്കല്‍ കോളേജില്‍ എത്തി ഡോക്ടറാണെന്ന് പരിചയപ്പെടുത്തി രോഗികളുടെ കൂട്ടിരിപ്പുകാരില്‍ നിന്നും ഇവര്‍ പണം തട്ടിയെടുത്തു മുങ്ങിയതായും പരാതി ഉയര്‍ന്നു. സ്റ്റെതസ്കോപ്പും കോട്ടും തിരിച്ചറിയല്‍ കാര്‍ഡും ധരിച്ചാവും ഇവര്‍ തട്ടിപ്പിനെത്തുക. ലിറ്റിസെബാസ്റ്റ്യന്‍, അരുണ, നിജി എന്നീ വിവിധ പേരുകളിലാണ്‌ ഇവര്‍ സ്വയം പരിചയപ്പെടുത്തി സ്ഥാപനങ്ങളിലെത്തി തട്ടിപ്പു നടത്തുന്നത്.
തൃശൂര്‍ സിറ്റി പൊലീസ് കമ്മീഷണര്‍ ജേക്കബ് ജോബിനു ലഭിച്ച രഹസ്യ വിവരത്തെ തുടര്‍ന്നു നടത്തിയ അന്വേഷണത്തിലാണ്‌ മേഴ്സി ജോര്‍ജ്ജിനെ അറസ്റ്റ് ചെയ്യാന്‍ കഴിഞ്ഞത്.
