കോണ്‍ഗ്രസിന്‍റെ ഹൈക്കമാന്‍ഡ് എന്നുപറയുന്നത് സോണിയാഗാന്ധിയോ രാഹുല്‍ ഗാന്ധിയോ അല്ലെന്നും അത് കെ സി വേണുഗോപാലാണെന്നും സുധാകരന്‍ പറയുന്നു. വേണുഗോപാലിന്‍റെ താല്‍പ്പര്യത്തിന് അനുസരിച്ച് കുറേ ആളുകളെ പട്ടികയില്‍ ഉള്‍പ്പെടുത്തുകയാണ് ഉണ്ടായത്. വിജയ സാധ്യതയേക്കാള്‍ വേണ്ടപ്പെട്ടവര്‍ എന്ന പരിഗണനയാണ് സ്ഥാനാര്‍ത്ഥി പട്ടിക തയ്യാറായപ്പോള്‍ കണ്ടത്. ഇപ്പോഴത്തെ എല്ലാ പ്രശ്‌നങ്ങളുടെയും ഉത്തരവാദിത്തം കെ സി വേണുഗോപാല്‍, ഉമ്മന്‍‌ചാണ്ടി, രമേശ് ചെന്നിത്തല എന്നിവര്‍ക്കാണെന്നും കെ സുധാകരന്‍ തുറന്നടിച്ചു.
