തദ്ദേശ തെരെഞ്ഞെടുപ്പില്‍ സ്ഥാനാര്‍ത്ഥികള്‍ വീടിനുള്ളില്‍ കയറി വോട്ട് ചോദിക്കരുതെന്ന നിര്‍ദേശവുമായി തിരഞ്ഞെടുപ്പ് കമ്മീഷന്‍. കൊവിഡ് കാലത്ത് വോട്ടിനെന്ന് പറഞ്ഞ് വീടിനുള്ളില്‍ കയറിയിരിക്കാനോ ഒന്നിനും പാടില്ല. അകലം പാലിച്ചുവേണം പ്രചരണം നടത്താന്‍. സ്ഥാനാര്‍ത്ഥികള്‍ക്കും പാര്‍ട്ടിപ്രവര്‍ത്തകര്‍ക്കും ഇത് നിര്‍ബന്ധമാണ്. വോട്ടര്‍ സ്ലിപ് പോലുള്ള കാര്യങ്ങള്‍ വോട്ടറുടെ കൈയില്‍ കൊടുക്കേണ്ട. വീടിനുമുന്നില്‍ വച്ചിട്ടുപോയാല്‍ മതിയെന്ന് നിര്‍ദേശത്തില്‍ പറയുന്നു.
