മകളുടെ പേരിനെച്ചൊല്ലി സോഷ്യല്‍ മീഡിയയില്‍ ഉയര്‍ന്ന ചര്‍ച്ചകള്‍ക്ക്‌ മറുപടിയുമായി നടന്‍ പൃഥ്വിരാജ്. അലംകൃത മേനോന്‍ പൃഥ്വിരാജ് എന്നാണ് മകള്ക്ക് പേരിട്ടതെന്ന് കഴിഞ്ഞ ദിവസം പൃഥ്വി ഫേസ്ബുക്കില്‍ കുറിച്ചിരുന്നു. തുടര്‍ന്ന് പേരിനെ ചൊല്ലി ചര്‍ച്ചകള്‍ തുടങ്ങിയതോടെയാണ് ഫേസ്ബുക്കില്‍ വിശദീകരണവുമായി പൃഥ്വിയെത്തിയത്.
ആദ്യം മകള്ക്ക് അലംകൃത സുപ്രിയ പൃഥ്വിരാജ് എന്നായിരുന്നു തീരുമാനിച്ചത്. തന്റെ ഭാര്യയെ സഹപ്രവര്‍ത്തകര്‍ വിളിക്കുന്നത് മിസ് മേനോന്‍ എന്നാണ്. അവരുടെ പ്രൊഫഷനില്‍ അവര്‍ അറിയപ്പെടുന്നതും അങ്ങനെയാണ്. മകളുടെ പേരിനൊപ്പമുള്ള മേനോന്‍ ഈ അര്‍ഥത്തിലാണ്. അല്ലാതെ ജാതിപ്പേരിലല്ല. ആണ്‍കോയ്‌മ ഇഷ്‌ടപ്പെടാത്തതിനാലാണ്‌ ഭാര്യയുടെ പേര് കൂടി ചേര്‍ത്ത്‌ പേരിട്ടതെന്നും പൃഥ്വിരാജ് വ്യക്‌തമാക്കി.
