എംഎല്‍എ പി.വി.അന്‍വറിനെതിരെ തൃശൂരില്‍ പരാതി. മതസ്പര്‍ധ വളര്‍ത്തുന്ന രീതിയില്‍ പ്രചരണം നടത്തുന്നതായി ആരോപിച്ച് തൃശൂര്‍ സിറ്റി പൊലീസ് സ്റ്റേഷനിലാണ് പരാതി ലഭിച്ചിരിക്കുന്നത്. തൃശൂരിലെ ഇടതുപക്ഷ പ്രവര്‍ത്തകനായ കെ.കേശവദാസാണ് പരാതിക്കാരന്‍. മലപ്പുറം സിപിഎം ജില്ലാ സെക്രട്ടറി ഇ.എന്‍.മോഹന്‍ദാസിനെതിരെ വര്‍ഗീയവാദി, മുസ്ലിം വിരോധി തുടങ്ങിയ പരാമര്‍ശങ്ങള്‍ അന്‍വര്‍ നടത്തിയിരുന്നു. ഈ പരാമര്‍ശങ്ങളാണ് പരാതിക്ക് ആധാരം.
