തിരുവനന്തപുരം: യുകെയില്‍ നിന്ന് കേരളത്തില്‍ മടങ്ങിയെത്തിയവരില്‍ എട്ട് പേര്‍ കൊവിഡ് പോസിറ്റീവാണെന്ന് കണ്ടെത്തിയെന്ന് ആരോഗ്യമന്ത്രി കെ കെ ശൈലജ അറിയിച്ചു. ഇത് ജനിതകമാറ്റം വന്ന കൊവിഡ് വൈറസിന്റെ പുതിയ വേരിയന്റാണോ എന്നറിയാനായി ഇവരുടെ സാമ്പിളുകള്‍ പുനെയിലേക്ക് അയച്ചിട്ടുണ്ടെന്നും കെ കെ ശൈലജ വ്യക്തമാക്കി. ജാഗ്രതയുടെ ഭാഗമായി സംസ്ഥാനത്തെ വിമാനത്താവളങ്ങളിലെല്ലാം ശ്രദ്ധ കൂട്ടിയിട്ടുണ്ടെന്നും കെ കെ ശൈലജ അറിയിച്ചു.
