കൊച്ചി: ദേശീയ പാതയോരത്ത് മാലിന്യം നല്ലിയ സംഘത്തിൽ നിന്ന് അയ്യായിരം രൂപ കൈക്കൂലി വാങ്ങിയ പോലീസ് ഉദ്യോഗസ്ഥന് സസ്‌പെൻഷൻ. അന്വേഷണത്തിൽ നെടുമ്പാശേരി സ്റ്റേഷനിലെ ഗ്രെയ്‌ഡ്‌ എസ്.ഐ റഷീദിനെയാണ് സസ്‌പെൻഡ് ചെയ്തത്.
കഴിഞ്ഞ ജൂലായ് ആറാം തീയതി രാത്രിയിൽ ചെങ്ങമനാട് പഞ്ചായത്ത് ഓഫീസിനടുത്തുള്ള പറമ്പായത്തെ സ്വകാര്യ കമ്പനിയുടെ ഉടമസ്ഥതയിൽ ദേശീയ പാതയോരത്തുള്ള പറമ്പിൽ കോട്ടയം മെഡിക്കൽ കോളേജിൽ നിന്ന് ടോറസ് ലോറികളിൽ എത്തിച്ച മാലിന്യമാണ് തള്ളിയത്. ഇത് പിടികൂടിയപ്പോഴാണ് കൈക്കൂലി വാങ്ങിയത് എന്നാണു റിപ്പോർട്ട്.
റഷീദിനൊപ്പം ഉണ്ടായിരുന്ന സിവിൽ പോലീസ് ഓഫീസർമാരായ മധു, അരവിന്ദ് എന്നിവരെ ക്യാമ്പിലേക്ക് സ്ഥലം മാറ്റിയിട്ടുണ്ട്. ഹൈവേ പോലീസ് ഉദ്യോഗസ്ഥരായിരിക്കവേ ആണ് സംഭവം നടന്നത്.
