പത്തനംതിട്ട ജില്ലയിലെ പ്രവചനം ഇങ്ങനെ
കോന്നിയില്‍ എല്‍ഡിഎഫ് ജയം പ്രവചിച്ച് ഏഷ്യാനെറ്റ് ന്യൂസ്- സി വോട്ടര്‍ പോസ്റ്റ് പോള്‍ സര്‍വെ ഫലം. ഉപതിരഞ്ഞെടുപ്പിലൂടെ കോന്നി പിടിച്ചെടുത്ത കെ.യു.ജെനീഷ് കുമാര്‍ ജയം ആവര്‍ത്തിക്കും. യുഡിഎഫ് രണ്ടാം സ്ഥാനത്താകും. എന്‍ഡിഎ സ്ഥാനാര്‍ഥിയായി മത്സരിച്ച ബിജെപി സംസ്ഥാന അധ്യക്ഷന്‍ കെ.സുരേന്ദ്രന് മൂന്നാം സ്ഥാനത്തേക്ക് പിന്തള്ളപ്പെടുമെന്നാണ് പ്രവചനം. കോന്നി കൂടാതെ മഞ്ചേശ്വരത്തും സുരേന്ദ്രന് മത്സരിച്ചിരുന്നു. മഞ്ചേശ്വരത്ത് സുരേന്ദ്രന് ജയസാധ്യത ഈ സര്‍വെ പ്രവചിച്ചിട്ടുണ്ട്. ആറന്‍മുളയില്‍ വീണ ജോര്‍ജ് ജയിക്കുമെന്നും പ്രവചനം. റാന്നിയില്‍ എല്‍ഡിഎഫിന് തിരിച്ചടി നേരിട്ടേക്കാമെന്നും പോസ്റ്റ് പോള്‍ സര്‍വെ പ്രവചിക്കുന്നു. അടൂരില്‍ മുന്‍തൂക്കം എല്‍ഡിഎഫിന്. തിരുവല്ലയില്‍ ഇഞ്ചോടിഞ്ച് പോരാട്ടമാണെങ്കിലും മുന്‍തൂക്കം എല്‍ഡിഎഫ് സ്ഥാനാര്‍ഥി മാത്യു ടി തോമസിനാണ് പ്രവചിക്കുന്നത്. പത്തനംതിട്ടയില്‍ മൂന്ന് മുതല്‍ നാല് വരെ സീറ്റ് എല്‍ഡിഎഫ് നേടിയേക്കാം. യുഡിഎഫ് ഒന്നു മുതല്‍ രണ്ട് സീറ്റ് വരെയെന്നും പ്രവചനം.
