ഇറാഖില്‍നിന്ന് മലയാളികള്‍ക്ക് വിമാനടിക്കറ്റ് നല്‍കാന്‍ സര്‍ക്കാര്‍ നടപടി സ്വീകരിക്കുമെന്ന് മുഖ്യമന്ത്രി ഉമ്മന്‍ചാണ്ടി. ആറ് പേരാണ് സുരക്ഷിതമായി വിമാനത്താവളത്തില്‍ എത്താനാകുമെന്ന് സംസ്ഥാന സര്‍ക്കാരിനെ അറിയിച്ചിരിക്കുന്നത്. ഇവര്‍ക്ക് ഓണ്‍ലൈനില്‍ ടിക്കറ്റ് നല്‍കും. കേന്ദ്രസര്‍ക്കാരിനോട് നടപടി ആവശ്യപ്പെട്ടിട്ടുണ്ട്. കേന്ദ്രം അനുകൂലമായി നടപടി എടുത്തില്ലെങ്കില്‍ സംസ്ഥാനം ചെലവ് വഹിക്കും. ഇറാഖിലെ വിവിധ മേഖലകളിലുള്ള മലയാളികളെ നാട്ടിലെത്തിക്കാന്‍ പൂര്‍ണ സഹായം നല്‍കുമെന്നും അദ്ദേഹം പറഞ്ഞു.
