എറണാകുളത്ത് സ്കൂൾ കുട്ടികളുമായി പോയ ജീപ്പ് മതിലിലിടിച്ചു; ഡ്രൈവറടക്കം മൂന്ന് മരണം, 15 കുട്ടികൾക്ക് പരുക്ക്
തിങ്കള്‍, 6 മാര്‍ച്ച് 2017 (09:24 IST)
സ്‌കൂള്‍ കുട്ടികളുമായി പോയ ജീപ്പ് മതിലിലിടച്ച് രണ്ട് കുട്ടികളടക്കം മൂന്നുപേര്‍ മരിച്ചു. എറണാകുളം കൂത്താട്ടുകുളത്ത് ഇന്ന് രാവി‌ലെയായിരുന്നു സംഭവം. കൂത്താട്ടുകുളംമേരി ഗിരി സ്‌കൂളിലെ കുട്ടികളാണ് അപകടത്തില്‍ പെട്ടത്. നിയന്ത്രണം വിട്ട ജീപ്പ് മതിലില്‍ ഇടിക്കുകയായിരുന്നു.
ആന്‍ മരിയ, നയന ദിലീപ് എന്നി കുട്ടികളും ജീപ്പ് ഡ്രൈവര്‍ ജോസുമാണ് മരിച്ചത്. 15 കുട്ടികള്‍ക്ക് പരുക്കേറ്റിട്ടുണ്ട്. ഇതിൽ മൂന്ന് പേരുടെ നില അതീവഗുരുതരമാണ്. വൈക്കം ഇലഞ്ഞിഭാഗത്തുനിന്ന് വന്ന ജീപ്പാണ് അപകടത്തില്‍ പെട്ടത്. അപകടത്തിന്റെ കാരണം വ്യക്തമല്ല.
പ്രദേശത്ത് നേരിയ മഴയുണ്ടായിരുന്നു. എതിരെ വന്ന ബൈക്ക് അപകടത്തില്‍ പെടുന്നത് ഒഴിവാക്കാനായി വെട്ടിച്ചതിനിടയിലാണ് അപകടമെന്നാണ് നാട്ടുകാര്‍ നല്‍കുന്ന പ്രാഥമിക വിവരം. യു കെ ജി വിദ്യാർത്ഥികളാണ് മരിച്ച ആൻമരിയയും നയനയും.
