തെരഞ്ഞെടുപ്പ് പ്രചരണം അവസാന ഘട്ടത്തിലെത്തിയതോടെ സിനിമാ മേഖലയിലെ പ്രമുഖരെ ഇറക്കി തെരഞ്ഞെടുപ്പ് പ്രചരണം കൊഴുപ്പിക്കുകയാണ് ഇടതുപക്ഷം. സംവിധായകന്‍ വിനയനായിരുന്നു ഇന്നലെ ഇടതുമുന്നണിയുടെ തെരഞ്ഞെടുപ്പ് പ്രചാരണത്തിലെ താരം. ചാലക്കുടിയിലെ ഇടതുമുന്നണി സ്ഥാനാര്‍ത്ഥി ബി ഡി ദേവസിക്ക് വേണ്ടിയാണ് വിനയന്‍ പ്രചാരണത്തിനിറങ്ങിയത്.
ഉമ്മന്‍ചാണ്ടിക്കെതിരെയും സുരേഷ് ഗോപിക്കെതിരെയും രൂക്ഷ വിമര്‍ശനങ്ങള്‍ ഉയര്‍ത്തിയായിരുന്നു വിനയന്റെ പ്രസംഗം. സുരേഷ് ഗോപി ശുദ്ധനായ മണ്ടനാണെന്ന് പരിഹരിച്ച വിനയന്‍ രാഷ്ട്രീയത്തിലെ ധാര്‍മ്മികതയെ ഉമ്മന്‍ചാണ്ടി നശിപ്പിച്ചുവെന്നും ആരോപിച്ചു. ചാലക്കുടിയില്‍ നടന്ന പൊതുയോഗത്തില്‍ സംസാരിക്കവേയായിരുന്നു വിനയന്റെ അഭിപ്രായപ്രകടനം.
