മലയാളി ക്രിക്കറ്റ് താരം എസ് ശ്രീശാന്തിനെ കൊല്ലാന്‍ ശ്രമം നടന്നുവെന്ന് ശ്രീശാന്തിന്റെ സഹോദരീഭര്‍ത്താവും ഗായകനുമായ മധു ബാലകൃഷ്‌ണന്‍. ഒരു വാര്‍ത്താചാനലാണ് ഇത് റിപ്പോര്‍ട്ട് ചെയ്തത്. തിഹാര്‍ ജയിലില്‍ വെച്ചാണ് ശ്രീശാന്തിനെ കൊല്ലാന്‍ ശ്രമിച്ചതെന്നും ജയിലിലെ ക്രിമിനലാണ് കൊല്ലാന്‍ ശ്രമിച്ചതെന്നും മധു ബാലകൃഷ്‌ണന്‍ പറഞ്ഞു.
നേരത്തെ, ഐ പി എല്‍ വാതുവെപ്പ് കേസില്‍ ക്രിക്കറ്റ് താരങ്ങള്‍ക്കെതിരെ മകോക്ക നിയമം ചുമത്തിയതിനെതിരെ ഡല്‍ഹി പ്രത്യേക കോടതി കഴിഞ്ഞയിടെ രംഗത്തെത്തിയിരുന്നു. എന്ത് തെളിവുകളുടെ അടിസ്ഥാനത്തിലാണ് പ്രതികള്‍ക്കെതിരെ മകോക്ക ചുമത്തിയതെന്ന് കോടതി ചോദിച്ചിരുന്നു.
