സംസ്ഥാനത്ത് ഇടതുമുന്നണി ആഹ്വാനം ചെയ്ത ഹര്‍ത്താല്‍ പൂര്‍ണം. വെള്ളിയാഴ്ച സഭയ്ക്ക് അകത്തും പുറത്തും നടന്ന സംഭവങ്ങളില്‍ പ്രതിഷേധിച്ചാണ് ഇടതുമുന്നണി ഇന്ന് ഹര്‍ത്താലിന് ആഹ്വാനം ചെയ്തിരിക്കുന്നത്. രാവിലെ ആറുമണി മുതല്‍ വൈകുന്നേരം ആറുമണി വരെയാണ് ഹര്‍ത്താലിന് ആഹ്വാനം നല്കിയത്. പൊതുവേ സമാധാനപരമാണ് ഹര്‍ത്താല്‍ എന്നാണ് റിപ്പോര്‍ട്ടുകള്‍.
മിക്കയിടങ്ങളിലും സ്വകാര്യവാഹനങ്ങള്‍ ഓടുന്നുണ്ട്. എന്നാല്‍, കെ എസ് ആര്‍ ടി സിയും സ്വകാര്യ ബസുകളും സര്‍വ്വീസ് നടത്തുന്നില്ല. ചിലയിടങ്ങളില്‍ ഉണ്ടായ ചെറിയ അക്രമസംഭവങ്ങള്‍ ഒഴിച്ചു നിര്‍ത്തിയാല്‍ പൊതുവെ സമാധാനപരമാണ് ഹര്‍ത്താല്‍.
