ലോ അക്കാദമി വിഷയം വഷളായതിനെ തുടർന്ന് ക്ലാസുകൾ അനിശ്ചിതകാലത്തേക്കു നീട്ടി. ഇന്നു തുടങ്ങാനിരുന്ന ക്ലാസുകൾ ഇനി വിഷയത്തിൽ ഒരു തീരുമാനമാകുന്നതുവരെ തുറക്കില്ലെന്ന് മാനേജ്മെന്റ് തീരുമാനിച്ചിരിക്കുകയാണ്. സമരവുമായി ബന്ധപ്പെട്ട് നിർണായകമായ കേരള സർവകലാശാല സിൻഡിക്കറ്റ് യോഗം ഇന്ന് ചേരാനിരിക്കവേയാണ് മാനേജ്മെന്റിന്റെ ഈ തീരുമാനം.
നിരാഹാരസമരം തുടരുന്ന കെ മുരളീധരൻ എം എൽ എയ്ക്കു പിന്തുണയുമായി എ കെ ആന്റണി എത്തിയിരുന്നു. കോളജ് തുറക്കുകയാണെങ്കിൽ ഉപരോധിക്കുമെന്ന് കെഎസ്‌യുവും എബിവിപിയും മുന്നറിയിപ്പുനൽകിയിരുന്നു. അതേസമയം, കോളജ് അടച്ചിടാൻ മുൻകയ്യെടുത്തവർക്കു വിദ്യാർഥികളുടെ ഭാവി സംരക്ഷിക്കാൻ ബാധ്യതയുണ്ടെന്ന് വി എസ് അചുതാനന്ദൻ വിഷയത്തോട് പ്രതികരിച്ചു.
