സംരഭകരെ സഹായിക്കാൻ ഗൂഗിൾ, സ്റ്റാർട്ടപ്പ് സ്കൂൾ ഇന്ത്യ വരുന്നു

ചെറിയ നഗരങ്ങളിലെ സ്റ്റാർട്ടപ്പുകളെ വളർത്തിയെടുക്കാൻ ലക്ഷ്യമിട്ട് ഗൂഗിൾ. ചെറിയ നഗരങ്ങളിലെ 10,000 സ്റ്റാർട്ടപ്പുകളെ സഹായിക്കാനാണ് ഗൂഗിളിൻ്റെ സ്റ്റാർട്ടപ്പ് സ്കൂൾ ഇന്ത്യയുടെ ലക്ഷ്യം.

ഒമ്പത് ആഴ്ചത്തെ പ്രോഗ്രാമുകളാണ് ഗൂഗിളിൻ്റെ നേതൃത്വത്തിൽ സ്റ്റാർട്ടപ്പ് സ്കൂൾ ഇന്ത്യ സംഘടിപ്പിക്കുന്നത്.ഫിൻ‌ടെക്, ബിസിനസ്-ടു-ബിസിനസ്, ബിസിനസ്സ്-ടു-കൺസ്യൂമർ ഇ-കൊമേഴ്‌സ്, ഭാഷ, സോഷ്യൽ മീഡിയ, നെറ്റ്‌വർക്കിംഗ്, ജോലി എന്നീ ഏരിയകളുമായി ബന്ധപ്പെട്ട് ഗൂഗിൾ ലീഡേഴ്സുംസഹകാരികളും തമ്മിൽ ചാറ്റുകൾ ഉണ്ടായിരിക്കും.

ഭൂരിഭാഗം സ്റ്റാർട്ടപ്പുകളും ആദ്യ അഞ്ച് വർഷത്തിനുള്ളിൽ പരാജയപ്പെടുകയാണ് പതിവ്. സ്റ്റാർട്ടപ്പുകൾക്ക് വളർന്ന് വരാൻ ആവശ്യമായ സഹായങ്ങൾ ചെയ്യുകയാണ് ഗൂഗിളിൻ്റെ ലക്ഷ്യങ്ങളിലൊന്ന്.