ഇന്ത്യയിലെ ഏറ്റവും വലിയ ക്രിപ്റ്റോകറൻസി എക്സ്ചേഞ്ചായ വസീർഎക്സിൻ്റെ സ്ഥാപകർ ഇന്ത്യ വിട്ടു. സെബ് പേ,വോൾഡ് തുടങ്ങിയ എക്സ്ചേഞ്ചുകൾ നേരത്തെ തന്നെ സിംഗപൂരിലേക്ക് മാറ്റിയിരുന്നു. ചില പ്ലാറ്റ്ഫോമുകൾക്കെതിരെ എൻഫോഴ്സ്മെൻ്റ് നടപടികൾ ശക്തമാക്കിയതോടെയാണ് ഏജൻസികളുടെ കൂട്ടമായ പിന്മാറ്റം.
ലോകമാസകലം ക്രിപ്റ്റോ നിക്ഷേപത്തോടുള്ള താത്പര്യം കുറഞ്ഞതും ക്രിപ്റ്റോ കറൻസികൾ കുത്തനെ താഴ്ന്നതും ഇന്ത്യയിൽ വലിയ തോതിൽ തിരിച്ചടിയായിട്ടുണ്ട്. ഇന്ത്യയിൽ ക്രിപ്റ്റോ മേഖലയിൽ ജീവനക്കാരെ പിരിച്ചുവിടുന്നതും എക്സ്ചേഞ്ചുകൾ വ്യാപാരം നിർത്തിവെയ്ക്കുന്നതും ക്രിപ്റ്റോനിക്ഷേപങ്ങൾ പിൻവലിക്കാൻ നിക്ഷേപകരെ അനുവദിക്കാത്തതും വലിയ പ്രതിസന്ധിയാണ് സൃഷ്ടിക്കുന്നത്.
