ഡ്രോണുകൾ രാജ്യ സുരക്ഷക്ക് ഭീഷണിയുയർത്തുന്ന സാഹചര്യത്തിൽ രാജ്യത്തിനകത്ത് ഡ്രോണുകൾ ഉപയോഗിക്കുന്നതിന് നിയന്ത്രണങ്ങളും മാർഗ നിർദേശങ്ങളും കൊണ്ടു‌‌വന്ന് കേന്ദ്ര സർക്കാർ. ഡ്രോണുകൾ രജിസ്റ്റർ ചെയ്യാനുള്ള നടപടികൾ ശനിയാഴ്ചയോടെ കേന്ദ്ര സർക്കാർ ആരംഭിച്ചു. ഡിജിറ്റൽ സ്കൈ പ്ലാറ്റ്ഫോം എന്ന പുതിയ രീതിക്കാണ് തുടക്കമാവുന്നത്.
മാത്രമല്ല വിമാനത്താവളങ്ങള്‍, രാജ്യാന്തര അതിര്‍ത്തികള്‍, സേനാത്താവളങ്ങള്‍, സര്‍ക്കാര്‍ സ്ഥാപനങ്ങള്‍ തുടങ്ങിയ ഇടങ്ങള്‍ ഡ്രോണ്‍ നിരോധിത മേഖലയായി അറിയപ്പെടും. ഇവിടങ്ങളിൽ എയർ ഡിഫൻസ് ക്ലിയറൻസ് ഇല്ലാതെ ഡ്രോണുകൾ പറത്താനാകില്ല.
