ലോട്ടറി, ഗെയിംഷോ, പസില്‍ തുടങ്ങിയവയില്‍നിന്നുള്ള വരുമാനത്തിന് ഉയര്‍ന്ന നികുതി ചുമത്തുന്നകാര്യവും പരിഗണനയിലുണ്ട്. ക്രിപ്‌റ്റോകറൻസികളുടെ വില്പനയും വാങ്ങലും സാമ്പത്തിക ഇടപാടുകളായി പരിഗണിച്ചായിരിക്കും സ്രോതസ്സിൽ നിന്നും നികുതി ഈടാക്കാൻ നടപടിയെടുക്കുക.
നിലവിൽ ആഗോളതലത്തിൽ 10.07 കോടിയോളം ഇന്ത്യക്കാർ ക്രിപ്റ്റോ ഇടപാടുകൾ നടത്തുന്നുണ്ടെന്നാണ് കണക്ക്. 2030ഓടെ ക്രിപ്‌റ്റോകറന്‍സിയിലുള്ള ഇന്ത്യക്കാരുടെ നിക്ഷേപം 1781 കോടി രൂപയാകും. ജനുവരി 31ന് ആരംഭിക്കുന്ന പാര്‍ലമെന്റിന്റെ ബജറ്റ് സമ്മേളനത്തില്‍ ക്രിപ്‌റ്റോകറന്‍സി ആന്‍ഡ് റെഗുലേഷന്‍ ഓഫ് ഒഫീഷ്യല്‍ ഡിജിറ്റൽ കറന്‍സി ബില്ല് അവതരിപ്പിച്ചേക്കുമെന്നും റിപ്പോര്‍ട്ടുകളുണ്ട്.
