നിലവില്‍ ആദ്യ നാല് സ്ഥാനത്തിലുള്ള ചെന്നൈ പ്ലേ ഓഫ് ലക്ഷ്യമിട്ടാണ് കളിക്കുന്നത്. ഡെവോണ്‍ കോണ്‍വെയ്ക്ക് പകരക്കാരനായാണ് എത്തുന്നതെങ്കിലും മുസ്തഫിസുറിന്റെ വിടവാകും പുതുതായി എത്തുന്ന ഇംഗ്ലീഷ് പേസര്‍ റിച്ചാര്‍ഡ് ഗ്ലീസണ്‍ നികത്തുക. ഇന്ത്യക്കെതിരെ ടി20യിലെ അരങ്ങേറ്റ മത്സരത്തില്‍ രോഹിത് ശര്‍മ, വിരാട് കോലി,റിഷഭ് പന്ത് എന്നിവരെ പുറത്താക്കി അന്താരാഷ്ട്ര ക്രിക്കറ്റില്‍ വരവറിയിച്ച താരമാണ് ഗ്ലീസന്‍. 34 ഫസ്റ്റ് ക്ലാസ് മത്സരങ്ങളില്‍ നിന്നും 143 വിക്കറ്റുകളും 82 ടി20 മത്സരങ്ങളില്‍ നിന്നും 91 വിക്കറ്റുകളും താരത്തിനുണ്ട്. ന്യൂബോളില്‍ അപകടകാരിയാണ് താരം.
